Plazaola bide berdea
Gipuzkoa eta Nafarroa lotzen dituen bide bat
Plazaolako bide berdeak Iruñea eta Donostia lotzen zituen trenbide zaharraren bidea jarraitzen du, Leitzaran ibaiaren ibarrean zehar. Bere 68 kilometroetatik 22 Gipuzkoako zatiari dagozkio, Berastegitik Andoainera. Turismo aktiborako leku ezin hobea da.
Plazaolako trena
Plazaola, 1905 eta 1953. urteen artean Nafarroa eta Gipuzkoako haran estuak zeharkatu meatzaritza eta bidaiari-trena izan zen. 66 tunel, 32 zubi eta 15 geltoki zeharkatzen zituen.
Leitzarango biotopoa
Leitzaran haraneko biotopo babestua, izen bereko ibaiak eta bere inguruak osatzen dute, espazio berezia da bere uren kalitateagatik, flora eta faunaren aberastasunagatik, eta ezkutatzen duen ondare industrial eta kultural handiagatik.
Gehiago Leitzarango biotopoari buruzZikloturistentzako helmuga aproposa
Paisaia eder hau ezagutzeko modurik onena bide berdea oinez edo bizikletaz egitea da. Adin eta maila guztietako pertsonentzat da egokia. Bidean atsedenleku batzuk daude, baita egun beroetan bainu bat hartzeko lekuak ere.
Mapa jaitsiNola iritsi
Gipuzkoako bi sarrera nagusiak hauek dira: Andoain, Otieta parketik, non bizikletak alokatzeko gune bat ere badagoen, eta Berastegi, Urtoko atesedenlekutik. Andoaineraino trenez irits daiteke.
Leitzaran Bisitarien EtxeaIbilbideko interesguneak
Bidean, paisaia natural eta kultural berezia aurkituko dugu: meategi zaharren aztarnak, labeak, burdinolak, zubiak, akueduktuak, tunelak.
Tunelak
Plazaolako Bide Berdearen bereizgarri nagusietako bat mendiak zeharkatzeko eraiki ziren tunel ugari dira: 53 tunel ibilbide osoan. Bide berdea bertatik igarotzen da. Argiztatuta egon arren, lanpara edo linternaren bat eramatea komeni da.
Bizkotx meategi zaharrak
Leitzaranen meategi batzuen aztarnak daude, batez ere eskuinaldean. Berastegiko lurretan dauden eta gure industria-ondarearen parte diren labe izugarrietakoak ere bai, Bizkotx adibidez. Meatze horiek izan ziren trenbidearen jatorria, mineralak garraiatzeko beharragatik sortu baitzen.
Mustar zubia
Bide berdeak hainbat zubi eta akueduktu gainditzen ditu, horietako batzuk balio historiko berezikoak. Horren adibide da Mustar zubia, 1755ean eraikia, aurreko egurrezko zubia ordezkatuz. 15 metroko luzera eta 3 metroko zabalera du.
Ameraun ubidea eta zubia
1904an eraikia eta Mustarretik gertu kokatua, ubideak ibaiaren urak Mustarretik Ameraungo zentralera zeraman ubide zaharrera eramaten zituen. 70 metro luze eta 24 metro garai da. Handik gertu Ameraun zubia dago, burdinola eta Berastegi lotzen zituena, Gorosmendiko lepoan zehar. Han agertu ziren 1990ean bide horretako oinarrien aztarnak.
Bide berdearen interesgune gehiago
Ibilbide osoak beste altxor batzuk gordetzen ditu Tolosaldetik kanpo: Andoaingo Azkoalte edo Nafarroako Gulina zubibideetatik, Ixkier ur-jauziraino edo Leitza, Lekunberri edo Latasako tren geltoki zaharretaraino.
Gehiago ikusi