Euskal Herriko trail estazioa

Bi sarrera ibilbide sarera

Geltokiak bi sarrera ditu, Parke Natural bakoitzeko bat. Sarreretako bat Larraitz gainean dago, eta bestea Zegaman. Larraitz eta Zegamako sarrerak ibilbide batek lotzen ditu, eta autoz joan daiteke batetik bestera 30 minututan.

Ibilbideak

Ibilbide laburrak, luzeagoak eta oso luzeak, ibilbide teknikoak kareharrizko lurzoruan, korrika gehiago egin daitekeenak, 3 kilometro bertikal, eta, batez ere, mundu guztiak senti eta goza ditzan nahi ditugun paisai zoragarri batzuk. Ibilbideak ikusi

Larraitzeko harrera-gunea

Harrera Txindokiko Itzala informazio gunean dago, Larraitz ermitaren ondoan. Parkearen sarreran aparkaleku bat dago, bertara autoz iritsi daiteke.

Negu Trail - Otsailak 4

Berastegi inguruko mendietan igarotzen den neguko lehiaketa da. 17 kilometro inguruko distantziarekin eta 1.000 metro baino gutxiagoko desnibelarekin, Urdelar, Larre eta Ipuliño tontorretatik igarotzen da.

Txindokiko kilometro bertikala - Maiatzak 18

Euskal Herriko mendi ezagunenetako bat den Txindokira igotzen den mendi lasterketa. Aralar Parke Naturalean daudenen artean, tontorrik bereziena dela esan daiteke.

Ibilbiderik bertikalena eta gogorrena da (3,6 km eta 980m+).

Ehunmilak - Uztailak 12

168 kilometroko ultra traila. Lehen lasterkariaren iritsiera, 500dik gora izan ohi dira parte hartzaileak, 23 ordu igarota izaten da, eta azken parte-hartzailea 48 ordutan helmugaratzen da. Beasainen hasi eta amaitzen da, eta, besteak beste, Hernio, Tolosa, Larraitz edo Txindokitik igarotzen da.