Euskal pilotak

Tolosaldea ere oso estuki lotua dago Euskal Pilotarekin. Herri guztietan dago frontoi bat (edo bat baino gehiago), eta dozenaka pilotari profesional eta afizionatu hezi dituzten pilota eskola ugari daude. Ohikoa da haurrak pilotan jokatzen ikustea, bereziki landa eremuan.

Gure herriaren kulturaren ikur da pilota, eta badira eskualdean modu artisauan egiten dituzten pilotagileak, edota pilotak salgai dituzten kirol-dendak. Dudarik gabe, oparitarako, edota, zergatik ez, jolasean aritzeko erosketa bikaina izan daiteke!