Andia arropa

Neska eta mutilen kaleko arropa –streetwear– marka da Andia. Diseinuak Tolosako kaleetan eta bertan topatu daitezkeen elementuetan oinarritzen dira. Izena bera ere Tolosan eraiki zen lehen dorretik datorkio.

Oria Ibaia, 1854ko hiriburuaren mapa, Andia Dorrea, Berdura Plaza edo Letxuga kalea dira, besteak beste, inspirazio iturri. Diseinu bakoitzaren azalpena, berriz, arropa bakoitzaren etiketan azaldua dago.

Aire freskoa modari, aire garbia munduari leloa erabiltzen du, izan ere, ingurumenarekiko eta giza eskubideekiko errespetuan oinarritzen da marka, moda aldatzeko aldarriarekin bat eginez. Hori dela eta, ziurtagiri ekologikoa du markak, jantzietarako kotoi organikoa erabiltzen dute, eta gainerako materialak jatorri ez-bizidunetakoak edo birziklatutakoak dira.