Malloetako zeharkaldia

Zalantzarik gabe, zeharkaldi berezia da hau. Aralarko lekurik malkartsuena izanik, Malloetan gailurrik altuenetako batzuk topatuko ditugu. Zerra baten hortzak balira bezala, bidearen aurrean mendi-tontorrak ageri dira, ibar-hondoekin tartekatuta. Alde batean, Araitz bailara ikusiko dugu, bere etxe, baserri, zelai eta basoekin. Beste aldean, aldiz, Aralarrek eskaintzen duen paisaiarik politenetako bat irekitzen da, mendi eta haranez osatua, harritsua, beste mundu bat dirudi.