Belabietako bidea

Ibilbidea Izaskungo Andre Mariaren ermitan hasten da, Uzturrera igotzen den bidetik. Bigarren bidegurutzean eskuinera joko dugu, Belabieta aldera. Ezkerreko bideak Uzturrera darama zuzenean.

Laster iritsiko gara Orieta baserrira. Hortik pistaz jarraituko dugu eta lehenengo bidegurutzean ezkerreko aukera hautatuko dugu. Belabietako lepora iristean, 180º-ko bira egingo dugu, eta Uzturrerantz jarraituko dugu uren isurialdetik. Gailurrera igotzeko aukera ematen digun bidegurutzera iristean, Anoetarantz jarraituko dugu.

Basotik irten eta iraleku batean sartuko gara; ezkerreko bideak hartuko ditugu beti, eta artzain borda batera jaitsiko gara. Aldapa handi batek Urkieta etxera eramango gaitu eta handik, ibilbidearen hasieran igo dugun errepidetik, ermitara jaitsiko gara berriro.