Hernialde datutan
Populazioa
313 herritar
Herriko jaiak
Abuztuak 15, Andre Mari Jaiak
Terraza lasai bat Uzturreren parean
Izena Hernio menditik (1.075 m.) hartzen du, izan ere bere azpian kokatzen da. Herriaren erdigunea, Mendigain muinoan kokatua dago, txoko ezkutua da eta bertatik Uzturre mendiaren ikuspegi bikainez goza daiteke.
Intereseko beste
puntu batzuk.
Udaletxea
Udaletxearen eraikuntza dotoreak harlanduz landutako fatxada eta lau arkuko arkupea ditu. Goialdean erloju mekaniko handi bat eta teilatuan kanpandorre bitxi bat nabarmentzen dira.
JasokundekoAndreMariareneliza
XVI. mendean eraikitako tenplua da, nabe bakarrekoa eta abside poligonalekoa. Barroko estiloko ate eder bat du, atari polit batez estalia, eta kanpandorre karratu bat.
Lizarbakar
Lizarbakar, Herniozabal mendiaren azpian dago, Hernialde eta Tolosako Urkizu auzoaren arteko bide erdian. Bide horren zati bat harrizko galtzada zahar batetik doa. Leku baketsua da, eta bertatik Tolosa gaineko ikuspegi ederrak daude.
Interesberezikobaserriak
Olatzaga baserria Gipuzkoako probintzian eraikitzen lehenetarikoa izan zen. Han bizi izan zen Santa Cruz abadea, apaiz eta gerrillari karlista. Nabarmentzekoak dira, halaber, armarri eder bat mantentzen duen Anotzaga eta Urdanbilelus baserriak.
Aizkoatekoba
Udalerriaren goiko aldean dago. 1917an aurkitu zuten eta 150 metroko sakonera du. Bi galeriatan banatuta dago, eta hainbat tximinia ateratzen dira bertatik. Barruan, Donostiako San Telmo Museoan ikus daitekeen harri leunduzko aizkora bat aurkitu zen. Lurpeko laku bat ezkutatzen omen du, inguruan dagoen izen bereko iturria urez elikatzen duena.
Ezagutu
Antolatu
