Artikulu honetan haurrekin egiteko ibilbide ezberdinak bildu ditugu. Zailtasun ezberdinekoak, haurrentzat interesgarriak izan daitezkeen gaiak jorratzen dituzten ibilbide tematikoak eta beste hainbat bitxikeria.
KutsidazubideaIxabel.Alkiza-Hernialde
1994an argitaratu zen lehen aldiz ‘Kutsidazu bidea Ixabel’ eleberria. Juan Martin donostiar kalekumea euskaltegian ikasten ari den euskara hobetzera dator Alkizara. Bizitokia Hernialdeko
baserri batean du. Juan Martin, paraje hauetako indigenen artean arrotz sentitzen da.
Bertakoen euskara swahili moduko bat iruditzen zaio, baserriko lanak estrainio eta ohiturak basatiak.
Joxean Sagastizabalek eskribitutako liburu honetan umorez betetako idazkeraz kontatzen dizkigu protagonistaren pasadizoak. Baserriko alaba Ixabelek ‘kutsitzen’ dion mendi-bidean barrena joaten da Juan Martin egunero eskolak
hartzera Alkizara eta bide hori zuk ere egitea proposatzen dizugu.
Muskerrarenbidea.Asteasu
Bernardo Atxaga Asteasuko idazleak bere literatura lanetan irudikatzen duen Obaba lurraldea zeharkatzen duen paseo urbano bat da.
Izan ere, Obaba, lurralde imaginarioa izan arren, Asteasun bertan sustraituta baitago eta idazlea beraren ahotsean entzun ahalko ditugu puntu bakoitzean istorio eta pasarte ezberdinak. Muskerren atzetik egingo duzun ibilbide literarioa.
Ibilbidea ikusi
Altzokohandia.Altzo
Migel Joakin Eleizegi Altzoko handiaren herrian bere historia eta istorioak ezagutzeko mendi ibilbide labur bat da. 2.42 metroko altuera izatera iritsi zen Migel Joakinen jaiotetxea eta ikuspegi ederreko
bere herrian zehar ibiltzeko aukera.
Ibilbideak berak, Altzo azpiko elizara desbideratzeko aukera eskaintzen du, bertan neurtzen baitzuten Migel Joakin, zenbat hazten zen ikusteko.
Ibilbidea ikusi
Imaz-enpagoa.Altzo
Altzoko inguruez gozatu ahal izango dugu ibilbide honetan. Gainera, hainbat interesgunetatik igaroko gara, hala nola Legarre eta Oiarbide baserrietatik, bidea Imazen Pagoan amaitzen delarik.
Pago hau, Imaz Bertsolaria eta Maria Paula Jauregi ezkondu zirenean landatu zen, 1836.urtean eta bertsolariak bizi zen artean gerrikoarekin neurtzen zuen zenbat gizentzen ote zen pagoa.
Ibilbidea ikusi
Berastegikobira.Berastegi
Paseo atsegin bat Berastegiko belardiak eta paisaia inguratzen dituena. Ardien lanari esker berde eta eder mantentzen diren zelaiak dira protagonista nagusi ibilbidean zehar, baina Berastegiko eliza,
baserri ederrak eta herri gune zaindu bat ere igaroko dituzue.
Ibilbide honek Berastegiko auzo ezberdinetatik eramango zaitu, bertako baserri, soro, mendi eta paisaia ederrez gozatzeko aukera paregabea eskainiz.
Ibilbidea ikusi
Tolosakobegiratokiak.Tolosa
“Tolosako begiratokiak” ibilbidea Tolosako herrian zehar bere historia eta eraldaketa ezagutzeko ibilbide urbano bat da.
Hiribildu izan zen, gaur egungo alde zaharretik harago doana eta historia modu interesgarri batean kontatzen diguna. Puntu bakoitzean, bertan izan diren aldaketa eta kokapenen zergaitiak azalduz.
Amezketa-Larraitz-Amezketa
Txindoki azpiko ibilbidea. Amezketatik gorantz, Larraitzetik pasaz Amezketara itzultzen dena. Aralar Parke Naturalaren inguruaz gozatzeko beste modua bat, gailurretik izan ordez, magaletik.
Ibilbidea ikusi
Orientazio jolasa. Larraitz
GOGORATU!
Ibilbide hau jolas bat da eta helburu nagusia baliza guztiak topatzea da.
Beste ibilbide batzuk
Zazpiturrikourarenibilbidea.Amezketa
Ibilbidegastronomikoa.Sagarra.Aduna
FernandoAmezketarra.Amezketa
Ibilbidegastronomikoa.Piparra.Ibarra
Ibilbideirisgarria.Larraitz
Leitzarangobideberdea
Basagain.Anoeta
Artículos relacionados
Ezagutu
Antolatu
